Իլհամ Ալիևը հանձնարարել է Ադրբեջանի մարզերում կյանքն ավելի դինամիկ դարձնել
Ադրբեջանի նախագահ Իլհամ Ալիևը դժգոհ է երկրի մարզերում Երիտասարդական կենտրոնների վիճակից, որոնց վրա գործադիր իշխանության ղեկավարները «կողպեք են կախել» բացումից անմիջապես հետո:
Իլհամ Ալիևը հինգշաբթի ընդունել է Խաչմազի շրջանի և Եվլախ քաղաքի գործադիր իշխանության նոր ղեկավարներին:
«Ինձ մոտ եղած տեղեկատվության համաձայն, երիտասարդական կենտրոնները, որոնք բացվել են իմ մասնակցությամբ որոշ շրջաններում, այսօր փակ են: Դրանց դռների վրա կողպեք է կախված: Դա անընդունելի է: Դրանց կառուցման համար մեծ գումարներ են ծախսվել», - ասել է նախագահը:
Երկրի ղեկավարը նշել է, որ Երիտասարդական կենտրոնները կառուցվել են երիտասարդների ժամանցի համար: «Այնտեղ պետք է կազմակերպվեն հետաքրքիր միջոցառումներ, մտավոր խաղեր, հայրենասիրության թեմային նվիրված միջոցառումներ: Այդ կենտրոնները կառուցվում են և հաճախ չեն օգտագործվում», - ընդգծել է նա:
Verelq.am
