ՊԲ ստորաբաժանումները խոցել են Ադրբեջանի մարտական ուղղաթիռ
ԼՂ-ի Պաշտպանության բանակը տեղեկացնում է, որ հոկտեմբերի 1-ին ղարաբաղա-ադրբեջանական հակամարտության գոտու հարավային հատվածում՝ Վարազաթումբ (Լելե Թեփե) տարածքում, ՊԲ ստորաբաժանումները խոցել են Ադրբեջանի մարտական ուղղաթիռ, որն ընկել է Իրանի Իսլամական Հանրապետության տարածքում:
«ԼՂ-ի Հանրապետության պաշտպանության նախարարությունը հայտարարում է՝ նշվածը իր մեջ որևէ միտումնավորություն չի պարունակում, և քանի որ Ադրբեջանի սանձազերծած մարտական գործողություններն ընթանում են ԻԻՀ սահմանին շատ մոտ, ցավոք, նման դեպքերն անխուսափելի են»,- «Արմենպրես»-ի հաղորդմամբ այս մասին ասված է հաղորդագրության մեջ:
Հայաստանում և ԼՂ-ում հայտարարվել է ռազմական դրություն` սեպտեմբերի 27-ից Արցախի, սեպտեմբերի 29-ից Հայաստանի դեմ Թուրքիայի ներգրավվածությամբ Ադրբեջանի սանձազերծած ռազմական գործողություններից հետո։
Ադրբեջանի պաշտոնատարները դեռևս չեն արձագանքել Ղարաբաղի ուժերի կողմից հայտարաված այս լուրին:
armenpress.am
