Մոսկվան հույս է հայտնել, որ նախընտրական փուլը ՀՀ-ում կանցնի կառուցողական մթնոլորտում

ՌԴ արտգործնախարարությունում Հայաստանում արտահերթ ընտրություններ անցկացնելու որոշումը համարում են երկրի ներքին գործը։

Մոսկվայում հույս ունեն, որ նախատեսվող արտահերթ խորհրդարանական ընտրությունները Հայաստանում կանցկացվեն կառուցողական մթնոլորտում, հայտարարել է ՌԴ ԱԳՆ ներկայացուցիչ Մարիա Զախարովան։

«Հույս ենք հայտնում, որ նախընտրական ժամանակաշրջանը կանցնի կառուցողական մթնոլորտում՝ միտված երկարատև արդյունքի հասնելուն»,-ասել է նա մարտի 18-ին՝ Մոսկվայում տեղի ունեցած ճեպազրույցի ժամանակ։

Միաժամանակ Զախարովան ընդգծել է, որ Հայաստանում 2021-ին արտահերթ ընտրություններ անցկացնելու որոշումը համարում են երկրի ներքին գործը։

Հիշեցնենք, որ այսօր ԲՀԿ առաջնորդ Գագիկ Ծառուկյանի հետ հանդիպումից հետո ՀՀ վարչապետ Նիկոլ Փաշինյանը հայտարարել է, որ հունիսի 20-ին կանցկացվեն արտահերթ խորհրդարանական ընտրություններ։

Դրանց մասնակցելու մասին արդեն հայտարարել են ԲՀԿ-ն, «Լուսավոր Հայաստանն» ու Արթուր Վանեցյանի «Հայրենիքը»։

armeniasputnik.am

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio