Մեծամորի ատոմակայանը «անհրաժեշտ» է փակել. Թուրքիայի էներգետիկայի նախարար

Թուրքական Haberler.com կայքի փոխանցմամբ՝ Թուրքիայի էներգետիկայի ու բնական պաշարների նախարար Բերաթ Ալբայրաքը, ով երկրի նախագահ Ռեջեփ Էրդողանի փեսան է, հայտարարել է, թե Մեծամորի ատոմակայանը տարածաշրջանի համար «իրական սպառնալիք» է:

«Մեծամորի ատոմակայանը ենթակա չէ վերակառուցման, քանի որ կառուցվել է ավելի քան 40 տարի առաջ: Այն գտնվում է մեր սահմանից 10, 20 կիլոմետր հեռավորության վրա:

Այն լուրջ ռիսկեր ու մտահոգություններ է առաջացնում: Ընդ որում՝ այդ ատոմակայանը վտանգավոր է ոչ միայն Հայաստանի, այլև ողջ աշխարհի համար: Անհրաժեշտ է փակել այն»,- ասել է նա:

shabat.am

28/4/2016