Պատվաստման համար կարելի է հերթագվել նաև բջջային հավելվածով

Նախարարությունը ներկայացրել է նաև քայլերի հաջորդականությունը, որոնք անհրաժեշտ են բջջային հավելվածի օգնությամբ հերթագրվելու դեպքում։

Կորոնավիրուսի դեմ պատվաստումների համար հերթագրման գործընթացը բարելավվում է։ Տեղեկությունը հայտնում է Առողջապահության նախարարության մամուլի ծառայությունը։

Այսուհետև պատվաստումային շարժական կայաններում հերթագրվել հնարավոր է ոչ միայն տեղում` էլեկտրոնային հերթագրման համակարգի միջոցով, այլև նախապես՝ «Earlyone» բջջային հավելվածի օգնությամբ:

«Հավելվածը ներդրվել է ՀՀ առողջապահության նախարարության, ՀՀ ԱՆ Առողջապահության ազգային ինստիտուտի և «Earlyone»-ի համագործակցության արդյունքում»,- տեղեկացնում են նախարարությունից։

Նախարարությունը ներկայացրել է նաև քայլերի այն հաջորդականությունը, որոնք պետք է կատարել՝ հավելվածի օգնությամբ հերթագրվելիս։

Հավելվածը ներբեռնելուց հետո անհրաժեշտ է ընտրել «Առողջություն» բաժինը, ապա` «Ակադեմիկոս Ս.Ավդալբեկյանի անվան Առողջապահության ազգային ինստիտուտ», վայր՝ Հյուսիսային պողոտա:

Նշենք, որ COVID-19-ի դեմ պատվաստումների մեկնարկից ի վեր, օգոստոսի 1-ի դրությամբ, Հայաստանում կատարվել է 171890 պատվաստում, որից առաջին դեղաչափ` 120285, երկրորդ դեղաչափ` 51605։

Հիշեցնենք` «AstraZeneka»-ով, «Սպուտնիկ-V»-ով և «ԿորոնաՎակ»-ով պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով։

Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին (շաբաթ և կիրակի սահմանվել են հերթապահություններ՝ ժամը 10։00-16։00-ը)։

Պատվաստման համար նախապես պետք է զանգահարել նախընտրած պոլիկլինիկա` անկախ կցագրումից և գրանցվել։

Կարող են պատվաստվել նաև օտարերկրյա քաղաքացիները: Պատվաստումներն անվճար են:

armeniasputnik.am

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio