Հիմնանորոգվում են Երևանից Իրանի սահման ճանապարհի մի քանի հատվածներ

Հիմնանորոգման աշխատանքներ են տարվում Մ-2 Երևան-Երասխ-Գորիս-Մեղրի-Իրանի սահման միջպետական ճանապարհի մի քանի հատվածներում։ Այս մասին տեղեկացնում են «Ճանապարհային դեպարտամենտ» ՊՈԱԿ-ից։

Կատարվում է Մ-2 միջպետական ճանապարհի կմ150+700 - կմ167+600 հատվածի հիմնանորոգման աշխատանքները։ Այս հատվածն անցնում է Վայոց ձորի մարզով՝ Զառիթափ, Սարավան բնակավայրերի մոտով։

Մոտ 17 կմ երկարությամբ ճանապարհի վրա իրականացվում են ասֆալտապատման աշխատանքներ։ Կապալառու կազմակերպությունն է «Վայքի ՃՇՇ»-ն ՓԲԸ։

ՀՀ պետական բյուջեի միջոցներով կատարվող աշխատանքների ավարտը նախատեսված է այս տարվա վերջին։

armeniasputnik.am