Փաշինյանը` Իրանի և Ադրբեջանի միջև բախման հավանականության մասին

Թեհրանն ու Բաքուն ունեն սերտ կապեր, և եթե կան վիճելի հարցեր, դրանք պետք է լուծել բանակցությունների ճանապարհով։

 Հանրային հեռուստաընկերությանը տված հարցազրույցում այս մասին ասաց ՀՀ վարչապետ Նիկոլ Փաշինյանը, անդրադառնալով Ադրբեջանին հավանական աջակցության վերաբերյալ ԱՄՆ պետական դեպարտամենտի հայտարարությանը։

Փաշինյանը նշեց, որ Իրանը կարևոր դեր է խաղում տարածաշրջանային և աշխարհաքաղաքական գործընթացներում։

«Մենք շատ սերտ հարաբերությունների մեջ ենք Իրանի հետ, և մեզ համար կարևոր է մեր հարաբերությունների բնականոն զարգացումը, ու մենք գնում ենք հենց այդ ճանապարհով»,– ասաց ՀՀ վարչապետը։