Ղազախստանի, Բելառուսի, Ղրղզստանի և Տաջիկստանի նախագահները ժամանել են Երևան

Հավաքական անվտանգության պայմանագրի կազմակերպության խորհրդի նիստին մասնակցելու համար Հայաստան են ժամանել Ղազախստանի նախագահ Կասիմ Ժոմարտ Տոկաևը, Ղրղզստանի նախագահ Սադիր Ժապարովը, Բելառուսի նախագահ Ալեքսանդր Լուկաշենկոն, Տաջիկստանի նախագահ Էմոմալի Ռահմոնը:

Երևան ժամանած նախագահներին օդանավակայանում դիմավորել է ՀՀ փոխվարչապետ Մհեր Գրիգորյանը:

ՀԱՊԿ խորհրդի նիստին մասնակցելու համար Երևան է  ժամանել  նաև Ռուսաստանի նախագահ Վլադիմիր Պուտինը:

Երևանում նոյեմբերի 23-ին կկայանա ՀԱՊԿ խորհրդի նիստը: Մինչ այդ կայացել է ՀԱՊԿ անդամ երկրների արտաքին գործերի, պաշտպանության նախարարների, անվտանգության խորհուրդների քարտուղարների համատեղ նիստը:

armenpress.am