Ադրբեջանի արտգործնախարարը սպառնացել է «բոլորին և առաջին հերթին Հայաստանին»
Հուլիս 14, 2023 06:14 Asia/Tehran
Բոլորը, և առաջին հերթին Հայաստանը, պետք է հասկանան, որ ոչ մի սադրանք անպատասխան չի մնա, և այդ պատասխանը կտրվի ամենակոշտ ձևով, ասել է Ադրբեջանի արտգործնախարար Ջեյհուն Բայրամովը
Նա նշել է, որ էլ ավելի մեծ լարվածության ստեղծումը բացասաբար է անդրադառնում խաղաղ գործընթացի վրա, հաղորդում են տեղական լրատվամիջոցները։
Ճիշտ է, Բայրամովը մոռացել էր պարզաբանել, որ Արցախում և Հայաստանի սահմանին անվերջ սադրանքների նախաձեռնողը Ադրբեջանն է։
Ադրբեջանի ԱԳՆ ղեկավարը կարճ ժամանակով հրաժարվել է դիվանագիտական գործառույթներից և ստանձնել զինվորականի դեր՝ սպառնալով կոշտ պատասխան տալ «ցանկացած» սադրանքին։