Հայաստանը մասնակցում է Գերմանիայում անցկացվող ԱՄՆ-ի գլխավորած բազմազգ զորավարժությանը
ՀՀ Պաշտպանության նախարարությունը հրապարակել է հաղորդագրություն,որում հայտարարել է,-«Այս երկրի բանակը մասնակցում է Գերմանիայի Հոհենֆելս քաղաքում տեղակայված ռազմաբազայում անցկացվող ԱՄՆ-ի գլխավորած բազմազգ զորավարժությանը»:
Ինչպես հաղորդում է ԻՍՆԱ լրատվական գործակալությունը, Հայաստանի Պաշտպանության նախարարությունը թելեգրամյան ալիքում հրապարակած հաղորդագրության մեջ նշել է,-«Հայաստանի Զինված ուժերի ռազմաբժշկական վարչության շարժական դաշտային հոսպիտալի անձնակազմն օգոստոսի 28-ից սեպտեմբերի 23-ը մասնակցում է Գերմանիայի Հոհենֆելս քաղաքում տեղակայված ռազմաբազայում անցկացվող Saber Junction «Միաձուլված սուր-2023» բազմազգ զորավարժությանը,որը կազմակերպվել է ԱՄՆ-ի բանակի բժշկական ծառայության կողմից»։
Հաղորդագրության մեջ ասվում է,-«Վարժանքի նպատակն է իրական պայմաններում կազմակերպել վիրավորների արագ և անվտանգ տարհանումն ուղղաթիռով»։
Սպուտնիկ լրատվական գործակալության փոխանցմամբ՝ Հայաստանի բանակի բժշկական անձնակազմն այս զորավարժության շրջանակում ամերիկյան կողմի հետ ձևավորած խմբերով կատարում է բարդ պայմաններում վիրավորների տարհանում, ծանոթանում ԱՄՆ բանակի բժշկական ծառայության տարհանման սանիտարական հատուկ օդային միջոցներին, ինչպես նաև բժշկական տարհանման ցամաքային զրահատեխնիկայի հնարավորություններին»: