Այսօր Հայաստանի տարածքում մեկնարկել են հայ-ամերիկյան համատեղ զորավարժությունները
Ամերիկացի զինվորականները հայտարարել են Երևանի մերձակայքում Հայաստանի հետ համատեղ զորավարժությունների մեկնարկի մասին։
ISNA-ի փոխանցմամբ, զորավարժությունների անցկացման և լարվածության ավելացման պատճառով Մոսկվայի կողմից Հայաստանի դեսպանին ԱԳՆ կանչելուց մի քանի օր անց, Եվրոպայում և Աֆրիկայում ԱՄՆ-ի բանակի խոսնակը ֆրանսիական լրատվական գործակալությանը հայտնել է, որ Երևանի մերձակայքում գտնվող ուսումնական կենտրոնում «Արծիվ գործընկեր» խորագրով զորավարժության բացման արարողությունը մեկնարկել է մոտ 85 ամերիկացի և 175 հայ զինվորականների մասնակցությամբ:
Անցյալ շաբաթ Հայաստանի պաշտպանության նախարարությունը հայտարարել էր, որ այս երկրում ԱՄՆ-ի հետ 10-օրյա համատեղ զորավարժություն է անցկացվելու ։
Ելույթ ունենալով G20-ի նիստին, ՌԴ ԱԳ նախարար Սերգեյ Լավրովը ափսոսանք է հայտնել հայ-ամերիկյան պլանավորված զորավարժությունների կապակցությամբ՝ ասելով, որ ՆԱՏՕ-ի ջանքերը տարածաշրջան ներթափանցելու համար լավ բանի չեն հանգեցնելու։