Հայաստան. Մենք չենք ձգտում դուրս գալ ՀԱՊԿ-ից
Հայ բարձրաստիճան դիվանագետն ասել է, որ Երևանը նպատակ չունի դուրս գալ Հավաքական անվտանգության պայմանագրի կազմակերպությունից և փակել իր տարածքում տեղակայված ռուսական ռազմաբազան:
Հայաստանի արտաքին գործերի փոխնախարար Մանացական Սաֆարյանը հինգշաբթի օրը կայացած մամուլի ասուլիսում հայտարարել է, որ Երևանը նպատակ չունի դուրս գալ Հավաքական անվտանգության պայմանագրի կազմակերպությունից:
Արձագանքելով ՌԴ Դումայի պատգամավորի այն խոսքերին, թե Հայաստանի իշխանությունները կարող են ճնշում գործադրել այս երկրի կառավարության վրա՝ փակելու Հայաստանում տեղակայված ռուսական ռազմակայանը, Սաֆարյանն ասել է. «Ներկայումս Եվրասիական տնտեսական միությունից և Հավաքական անվտանգության պայմանագրի կազմակերպությունից Հայաստանի դուրս գալը մեր օրակարգում ներառված չէ»:
Ի պատասխան այն հարցին, թե ինչպե՞ս է գնահատում Երևանի և Մոսկվայի հարաբերությունները, Հայաստանի փոխարտգործնախարարն ասել է, որ երկու երկրների հարաբերությունները նորմալ վիճակում են։
