Էջմիածնում ձերբակալված անձանց մոտ զենք–զինամթերք չի հայտնաբերվել, նրանք ազատ են արձակվել

Զենք կրելու կասկածանքով Էջմիածին քաղաքում ձերբակալված 6 անձանց մոտ զենք կամ արգելված այլ առարկա չի հայտնաբերվել։ Այս մասին հայտարարել է իրավապաշտպան Ռուբեն Մելիքյանը։

Նրանց ձերբակալման իրական պատճառն առերևույթ այն է, որ վերջիններս նախապես հայտարարել էին Էջմիածնի թիվ 7 դպրոցի մոտ Նիկոլ Փաշինյանի առջև բողոքի խաղաղ գործողություն կատարելու մտադրության մասին»,–գրել է Մելիքյանը։

Նա ընդգծել է, որ նշված անձինք 6 ժամ անց ազատ են արձակվել։

Ավելի վաղ հայտնել էինք, որ Էջմիածնից 6 մարդ է բերման ենթարկվել զենք–զինամթերք պահելու կասկածանքով։

Հիշեցնենք, որ Վաղարշապատ խոշորացված համայնքի ավագանու «Էջմիածին» դաշինքի ղեկավար Սևակ Խաչատրյանն իր ֆեյսբուքյան էջում գրել էր, որ սպասվում է Փաշինյանի այցը Էջմիածին։

Նա գրել էր, որ 8:30-ին «Էջմիածին» դաշինքի անդամներով լինելու են էջմիածնի թիվ 7 հիմնական դպրոցի բակում, որպեսզի «սուրճի հրավիրեն» ՔՊ-ի ղեկավար Նիկոլ Փաշինյանին։