Երևանում անհնազանդության ակցիաների 88 մասնակից է տարվել ոստիկանություն
«Տավուշը հանուն հայրենիքի» շարժման անդամները վաղ առավոտից Երևանում բազմաթիվ փողոցներ են փակել և անհնազանդության, իրազեկման ակցիաներ են իրականացնում։
Երևան քաղաքում տեղի ունեցող անհնազանդության ակցիաների ընթացքում բերման են ենթարկել գրեթե 90 քաղաքացու։
Նշենք, որ «Տավուշը հանուն հայրենիքի» շարժման անդամները ժամը 08։00-ից մայրաքաղաքում շուրջ 20 փողոց են փակել. քաղաքացիներն անհնազանդության և իրազեկման ակցիաներ են իրականացնում։
«88 քաղաքացի բերման է ենթարկվել ոստիկանության տարբեր բաժիններ ՀՀ վարչական իրավախախտումների մասին ՀՀ օրենսգրքի 182-րդ հոդվածով»,– Sputnik Արմենիային հայտնեցին ոստիկանությունից։
Նշենք, որ ԶԼՄ–ների հրապարակած կադրերում երևում է` ինչպես են ոստիկաններն ուժ կիրառելով բերման ենթարկում բազմաթիվ քաղաքացիների, որոշ դեպքերում նաև գետնին տապալելով։