Իրանին հրավիրել են մասնակցել Երևանյան երաժշտական փառատոնին
Երևանյան երաժշտական փառատոնի տնօրեն տիկին Հասմիկ Մովսիսյանը Հայաստանում Իրանի Իսլամական Հանրապետության մշակութային հարցերով կցորդի հետ հանդիպման ժամանակ իրանական երաժշտական խմբերին հրավիրել է մասնակցել այս փառատոնին։
Սեպտեմբերին կայանալիք Երևանյան երաժշտական փառատոնի անցկացման վերաբերյալ փառատոնի տնօրեն, «Մյուզիք օֆ Արմենիա» ընկերության գործադիր տնօրեն՝ տիկին Հասմիկ Մովսիսյանը Իրանի Իսլամական Հանրապետության մշակութային հարցերով կցորդ Մոհամմադ Ասադի Մովահեդի հետ հանդիպման ժամանակ, իրանական երաժշտական խմբերին հրավիրել է մասնակցել այս փառատոնին։
Տիկին Հասմիկ Մովսիսյանը հավելեց. «Երաժշտական այս փառատոնը կանցկացվի Հայաստանում։ Այս փառատոնը լինելու է սեպտեմբերի 9-ից 15-ը, և այս փառատոնին մասնակցում են ավանդական երաժշտության տարբեր խմբեր։
Տիկին Հասմիկ Մովսիսյանը մատնանշեց նաև այս փառատոնի համար տարբեր դահլիճների պատրաստումը և ասաց. -Հաշվի առնելով Իրանի մշակութային և գեղարվեստական անցյալը և Իրանի ակտիվ ու նշանավոր երաժշտական խմբերը, կցանկանանք, որ Իրանից մեկ կամ երկու երաժշտական խումբ մասնակցի երեւանյան փառատոնին։
Նա հավելեց. -Փառատոնին կարող են մասնակցել նաև այն ընկերությունները, որոնք ակտիվ են երաժշտական ոլորտում ֆինանսական աջակցության և մարքեթինգի ասպարեզներում։
Իրանի մշակույթի հարցերով խորհրդական Ասադի Մովահեդը նույնպես հույս հայտնեց, որ հաշվի առնելով երկու հարևաններ Իրանի և Հայաստանի միջև առկա բարենպաստ հարաբերությունները, Իրանը կկարողանա լավ ներկայություն ունենալ այս փառատոնում։
Նա ասաց. -Երևանյան երաժշտական փառատոնի կոչը կհրապարակվի Իրանում, և հուսով ենք, որ այս փառատոնին կներկայանան խմբեր Իրանից՝ երկրի երաժշտությունը ներկայացնելու համար։