Սյունիքի Սիսիան քաղաքում մեկնարկել է հայ-իրանական մշակութային-խոհանոցային փառատոնը
Այսօր՝ շաբաթ, օգոստոսի 10-ին, Սիսիան քաղաքում մեկնարկել է որպես Իրանի և Հայաստանի երկարամյա բարեկամության խորհրդանիշ՝ «Նավասարդ» երրորդ փառատոնը երկու երկրների մշակույթի և արվեստի գործիչների ներկայությամբ։
Այս փառատոնի բաժիններից է Իրանի և Հայաստանի միջև խոհարարության մեծ մրցույթը, որն անցկացվում է յուրաքանչյուր երկրի 20-ից ավելի խոհարարի մասնակցությամբ։ Այս մրցույթը հնարավորություն է ցուցադրելու երկու երկրների խոհանոցի բազմազանությունն ու հարստությունը։
Նախատեսված ծրագրերի համաձայն՝ Իրանի տարբեր նահանգներից տարբեր խմբեր մասնակցում են այս փառատոնին և հանդես գալիս տարբեր ծրագրերով։ Այս միջոցառման գրավչություններից են նաև իրանական ավանդական երաժշտության ծրագրերը և իրանական ձեռագործ աշխատանքների ցուցահանդեսը:Հայկական և իրանական տաղավարներում ներկայացված են երկու երկրների ավանդական ճաշատեսակները և այլ ուտեստներ, ինչպես նաև արվեստի գործեր, արհեստագործական արտադրանք։
Արմենպրեսի մամուլի ասուլիսում հրավիրված Հայաստանում Իրանի դեսպանության մշակույթի կցորդ Մոհամադ Ասադի Մովահեդին նշելով,որ Հայ-իրանական մշակութային-խոհարարական «Նավասարդ» երրորդ փառատոնը արժեքավոր հնարավորություն է երկու ժողովուրդների մշակույթների և սովորույթների փոխճանաչման համար.ասել է,- «Այս միջոցառումն անցկացվում է Տուրիզմի հայկական ֆեդերացիայի մասնակցությամբ և Կապանում Իրանի գլխավոր հյուպատոսության և Հայաստանում Իրանի Իսլամական Հանրապետության դեսպանության ջանքերով ու աջակցությամբ։
Մովահեդյանը հավելել է․-«Այս տարի փառատոնին մասնակցել են մշակութային խմբեր, արվեստագետներ, խոհարարներ Իրանի 5 նահանգներից՝ Թեհրան, Թավրիզ, Համադան, Սպահան, և Խուզիստան»։
«Բավականին հագեցած ծրագիր է սպասվում, ներկայացվելու են ազգային երաժշտությունը, ձեռագործ աշխատանքը, մեր հարուստ խոհանոցը։ Վստահ եմ, որ շատերին կհետաքրքրի ու մեծ թվով այցելուներ կունենանք»,-ասել է Մոհամմադ Ասադի Մովահեդին։
Մամուլի ասուլիսում հրավիրված Տուրիզմի հայկական ֆեդերացիայի նախագահ Մեխակ Ապրեսյանը կարևորելով փառատոնի անցկացումը երկու երկրների մշակութային և զբոսաշրջային կապերի ամրապնդման գործում, շնորհակալություն է հայտնել Երևանում Իրանի դեսպանության, Կապանում Իրանի գլխավոր հյուպատոսության և մշակութային կցորդության աջակցության համար։
Ակնկալվում է, որ իրանական մշակույթի, արվեստի և խոհանոցի այս տարվա փառատոնը մեծ ընդունելության կարժանանա Հայաստանի ժողովրդի և լրատվամիջոցների կողմից։