Սպահանի քաղաքապետը կապանցիներին շնորհավորել է քաղաքի օրվա կապակցությամբ
Սպահանի քաղաքապետ Ալի Ղասիմզադեն Կապանի օրվա առիթով շնորհավորական ուղերձ է հղել քաղաքապետին և բնակիչներին, որը կապանցիների ներկայությամբ կայացած միջոցառմանն ընթերցել է Սպահանի 5-րդ շրջանի ղեկավար Հոսեյն Քարգյարը։
Ուղերձում ասվում է․
«Իրանն ու Հայաստանն ունեն ապտմական խորը հարաբերությունները, որոնք ավելի ամրապնդվեցին 2000 թ․ Սպահանի և Երևանի քույր քաղաքներ հռչակվելու շնորհիվ։ Կապան քաղաքն առանձնանում է իր գեղեցիկ բնությամբ և բնակիչների հյուրընկալությամբ։Կապանի մերջակայքում 400-ամյա կամրջի առկայությունը, որը կառուցվել է Շահ Աբբաս Սեֆիի օրոք, նրա որդիներից մեկի պատվերով, ինչպես նաև Կապանի տարածքում հայտնաբերված մզկիթի հետքերը վկայում են մշակութային հարաբերությունների ու կրոնական համակեցության մասին, ինչը բխում է Իրանի և Հայաստանի երկարամյա հարաբերություններից և միմյանց մշակույթի նկատմամբ փոխադարձ հարգանքից:
Հայերի ներկայությունը Սպահանի Նոր Ջուղա թաղամասում և Իրանի այլ քաղաքներում նույնպես հաստատում է կրոնների համակեցության առկայությունը։
Մաղթում եմ, որ աշխարհի բոլոր մարդիկ, անկախ կրոնից և ազգությունից, ապրեն խաղաղության մեջ և բռնությունից զերծ, խաղաղությամբ ու բարեկամությամբ լի աշխարհում»:
Նշենք, որ Հայաստանի Կապան քաղաքում Սպահանի մշակութային շաբաթ անցկացնելու նախնական պայմանավորվածությունները ձեռք են բերվել։ Բացի այդ, Իրանը պատրաստվում է Կապան քաղաքում կառուցել թափոնների գործարան՝ նվազեցնելու բնապահպանական և աղբահանության խնդիրները։
Կապանի օրվան նվիրված միջոռցառման ժամանակ քաղաքապետին որպես նվեր է մատուցվել Սպահանի Սաֆեհ լեռան և Կապան քաղաքի մերձակայքում գտնվող լեռան պատկերներով գորգ։