ՀԱՊԿ բոլոր պարտավորությունները Հայաստանի հանդեպ պահպանվում են. Տասմագամբետով
Դեկտեմբեր 04, 2024 10:14 Asia/Tehran
ՀԱՊԿ բոլոր պարտավորությունները Հայաստանի հանդեպ պահպանվում են։ Այս մասին ասել է կազմակերության գլխավոր քարտուղար Իմանղալի Տասմագամբետովը։
Նրա խոսքով՝ վերջին ժամանակներս Հայաստանի եւ կազմակերպության միջեւ ստեղծված ձեւաչափը առաջին հերթին Հայաստանի ռազմաքաղաքական ղեկավարության որոշումն է։
«...Այնուամենայնիվ, մենք ելնում ենք այն բանից, որ Հայաստանի Հանրապետությունը մեր դաշնակիցն է, եւ մեր բոլոր պարտավորությունները Հայաստանի հանդեպ պահպանվում են։ Հայաստանը ցանկացած ժամանակ կարող է վերադառնալ լիածավալ մասնակցության կազմակերպության աշխատանքում, որեւէ առարկություն չկա»,- ավելացրել է Տասմագամբետովը։