Փաշինյանն առանձին հանդիպում է ունեցել Ալիևի հետ
ՀՀ վարչապետ Նիկոլ Փաշինյանն առանձին հանդիպում է ունեցել Ադրբեջանի նախագահ Իլհամ Ալիևի հետ Չինաստանում Շանհայի համագործակցության կազմակերպության գագաթնաժողովի շրջանակում։ Տեղեկությունը հայտնում է վարչապետի մամուլի ծառայությունը։
«Կողմերը քննարկել են Հայաստան–Ադրբեջան խաղաղության օրակարգը՝ կարևորելով կառուցողական երկխոսության, փոխվստահության և տարածաշրջանային կայունության անհրաժեշտությունը։ Երկու ղեկավարներն էլ ընդգծել են Վաշինգտոնում կայացած վերջին գագաթնաժողովի արդյունքում ձևավորված դրական դինամիկան, որը վկայում է խաղաղության առաջմղման և հարաբերությունների կարգավորման գործընթացին միջազգային հանրության աջակցության մասին»,– ասված է հաղորդագրությունում։
Կողմերը պայմանավորվել են շարունակել շփումները։
Հիշեցնենք Փաշինյանը կնոջ Աննա Հակոբյանի և կրտսեր դստեր Արփիի հետ Չինաստան է մեկնել օգոստոսի 31-ին ՇՀԿ գագաթնաժողովի ՇՀԿ+ ձևաչափի հանդիպմանը և դրա շրջանակում կայանալիք միջոցառումներին մասնակցելու նպատակով։