Ռուսաստանին Հարավային Կովկասից անջատելը անօգուտ ձեռնարկ է. Կոպիրկին
Ռուսաստանին Հարավային Կովկասից անջատելը անօգուտ ձեռնարկ է. այս մասին ասել է ՀՀ-ում ՌԴ դեսպան Սերգեյ Կոպիրկինը «Սյունյաց երկիր» թերթին տված հարցազրույցում:
«Ո՛չ աշխարհագրությունը, ո՛չ ընդհանուր պատմությունը, ո՛չ էլ Ռուսաստանի բազմակողմանի կապերը Հարավային Կովկասի պետությունների հետ թույլ չեն տա դա: Որոշակի արտաքին խաղացողներ, որոնք արտահայտում են նման անհեթեթ գաղափարներ, միայն բացահայտում են իրենց սեփական ձգտումները և տարածաշրջանային իրողությունների վատ ըմբռնումը»,- ասել է Կոպիրկինը:
Նա նշել է, որ «Թրամփի ճանապարհի» վերաբերյալ Ռուսաստանի դիրքորոշումը կձևավորվի այս տրանսպորտային նախագծի իրականացման մանրամասն ըմբռնումից հետո: Բեռնափոխադրումների և ուղևորափոխադրումների ռեժիմների, ինչպես նաև երթևեկության անվտանգության վերաբերյալ մանրամասները դեռևս համաձայնեցված չեն:
«Տարածաշրջանում տրանսպորտային կապերի ապաշրջափակման ժամանակ կպահանջվի հաշվի առնել Հայաստանի` ԵԱՏՄ անդամակցության և հայ-իրանական սահմանին ռուս սահմանապահների ներկայության հետ կապված հանգամանքները: Ռուսական կողմը բաց է այս թեմաներով խորհրդակցությունների համար ինչպես հայ գործընկերների, այնպես էլ այլ շահագրգիռ կողմերի, այդ թվում՝ Թեհրանի հետ»,- ասել է դեսպանը:
