Կրակոցներ Երևանում. նախնական տեղեկություններով` 1 զոհ և 9 վիրավոր կա
Փետրվար 18, 2026 17:50 Asia/Tehran
Երևանի Աջափնյակ վարչական շրջանում՝ Աբելյան փողոցում, հնչած կրակոցների հետևանքով, նախնական տեղեկություններով, կա 1 զոհ, 9 վիրավոր:
Shamshyan.com-ի փոխանցմամբ՝ իրավապահները դեպքի վայրում հայտնաբերել են ատրճանակից ու ինքնաձիգից արձակված կրակոցի հետքեր, ինչպես նաև դանակ և արյան հետքեր:
ՀՀ ներքին գործերի նախարարությունից Sputnik Արմենիային հայտնել են, որ ոստիկանության ծառայողներն անհետաձգելի օպերատիվ-հետախուզական միջոցառումներ են ձեռնարկում դեպքի բոլոր հանգամանքները պարզելու ուղղությամբ: Դեպքի վայրում աշխատում են իրավապահները:
Նախնական տվյալներով՝ վիրավորներին տեղափոխել են հիվանդանոցներ, նրանցից ոմանց վիճակը գնահատվում է ծանր: Քննիչները պարզում են կրակոցների պատճառները և միջադեպի մասնակիցների ինքնությունը:
Պիտակ
