ՀՀ արտաքին հետախուզության ծառայության պետը Վրաստանում է. նրան ընդունել է Գեկա Գելաձեն
Վրաստանի պետական անվտանգության ծառայության պետ Գեկա Գելաձեն Հայաստանի Հանրապետության արտաքին հետախուզության ծառայության պետ Քրիստինե Գրիգորյանի հետ քննարկել է երկու երկրների միջև անվտանգային ոլորտում համագործակցության խորացումը։
Տեղեկությունը հայտնում են վրացական լրատվամիջոցները։
Պետական անվտանգության ծառայության տվյալներով՝ պաշտոնական այցի ընթացքում երկու գերատեսչությունների ղեկավարներն աշխատանքային հանդիպում են անցկացրել՝ քննարկելով Վրաստանի և Հայաստանի միջև ամուր, բարեկամական հարաբերությունները, ինչպես նաև դրանց հետագա խորացման հեռանկարները։
«Շեշտվել է երկու երկրների հետախուզական և անվտանգության գերատեսչությունների միջև կառուցողական երկխոսության և սերտ համագործակցության կարևորությունը միջազգային անվտանգության դեմ ծառացած մարտահրավերներին դիմակայելու գործում»,–նշված է հաղորդագրության մեջ։
Քրիստինե Գրիգորյանը հայտնել իր պատրաստակամությունը` խորացնելու համագործակցությունն առաջնահերթ ոլորտներում։
Վրաստան կատարած այցի ընթացքում Քրիստինե Գրիգորյանը և հայկական պատվիրակությունն այցելել են հետախուզական գործակալություն, որտեղ աշխատանքային հանդիպում են ունեցել ղեկավարության հետ։
