Էդվարդ Նալբանդյանը ստորագրեց կլիմայի փոփոխությունը նվազեցնելու մասին Փարիզյան համաձայնագիրը

Սեպտեմբերի 20-ին ՄԱԿ-ի կենտրոնակայանում ՀՀ ԱԳ նախարարի պաշտոնակատար Էդվարդ Նալբանդյանը Հայաստանի անունից ստորագրեց Միավորված ազգերի կազմակերպության հովանու ներքո Փարիզում տեղի ունեցած կլիմայական փոփոխությունների գագաթաժողովի արդյունքում ընդունված համաձայնագիրը:

Փարիզում տեղի ունեցած կլիմայական փոփոխությունների գագաթաժողովի արդյունքում ընդունված համաձայնագիրը,  նախատեսում է գլոբալ տաքացմանը դիմակայելուն ուղղված միջազգային հանրության համատեղ մի շարք քայլեր. տեղեկացնում է ՀՀ ԱԳ նախարարության լրատվական ծառայությունը։

Անցյալ տարի Փարիզյան գագաթաժողովի բացմանը մասնակցել և ելույթ էր ունեցել ՀՀ Նախագահ Սերժ Սարգսյանը։

Tert.am