Հայաստանի կառավարությունը հաստատել է Հայաստանի եւ ԵՄ միջեւ շրջանակային համաձայնագիրը
Հայաստանի Հանրապետության կառավարությունը հավանություն է տվել Հայաստանի Հանրապետության` մի կողմից, եւ Եվրոպական միության եւ ատոմային էներգիայի եվրոպական համայնքի ու դրանց անդամ պետությունների՝ մյուս կողմից, միջեւ համապարփակ եւ ընդլայնված գործընկերության համաձայնագրին:
Համապատասխան որոշումը կայացվել է դեկտեմբերի 28-ի ՀՀ կառավարության նիստին:
Ինչպես նշել է ՀՀ արտգործնախարար Էդվարդ Նալբանդյանը, համաձայնագիրը նախատեսում է Հայաստանի ստանձնած պարտավորությունները տեղեկատվական այլ ձեւաչափերով:
«Այս շրջանակային համաձայնագիրը Հայաստանի եւ ԵՄ միջեւ հարաբերությունները կտեղափոխի գործընկերական նոր մակարդակի վրա եւ ուղղված է առաջիկա տարիներին դրանց կարգավորմանը», - ասել է Էդվարդ Նալբանդյանը:
Նախարարը նշել է, որ համաձայնագիրը նախատեսում է Հայաստանի ստանձնած պարտավորությունները ինտեգրման այլ ձեւաչափերով, կարգավորում է Հայաստան-Եվրամիություն քաղաքական երկխոսությունը, տնտեսական եւ առեւտրային հարաբերությունները, ոլորտային համագործակցությունը, ինչպես նաեւ ապահովում է քաղաքական եւ տնտեսական բարեփոխումների տեւականությունը:
News.am
