ԼՂ-ում ականի պայթյունից զոհվել է երեք մարդ

ԼՂ-ի Մարտակերտի շրջանի Ղազանչի տեղանքում հակատանկային ականի պատահական պայթյունի հետևանքով ականազերծողների մահվան փաստով քրեական գործ է հարուցվել:

«Փաստինֆո»-ի տեղեկություններով՝ քննություն է տարվում դեպքի հանգամանքները պարզելու ուղղությամբ, փաստի առթիվ հարուցվել է քրեական գործ:

«Արմենպրես»-ի հաղորդմամբ` «HALO Trust» միջազգային ականազերծող կազմակերպությունն ավելի վաղ հաստատել է, որ մարտի 29-ի առավոտյան մահացել են կազմակերպության երեք աշխատակիցներ, իսկ երկուսը՝ վիրավորվել։