Իրանից նավթի գնման հարցում Ճապոնիայի վրա ԱՄՆ-ի ճնշումներն անօգուտ են եղել
ԻԻՀ ԱԳ նախարարության քաղաքական հարցերով տեղակալը, Իրանից նավթի գնումները դադարեցնելու հարցով Ճապոնիայի վրա ԱՄՆ-ի ճնշումները պարտված քաղաքականություն է համարել:
Ճանպոնական Քիոդո օրաթերթին տված հարցազրույցում, Աբբաս Էրաղչին շեշտել է.«Ճապոնիան մինչ օրս հավատարիմ է մնացել ՀԳՀԾ-ին և համաձայնւթյան չեղարկման համար ԱՄՆ-ի կողմից Տոկիոյի վրա գործադրվող ճնշումներով հանդերձ, շարուկանում է հովանավորել այս համաձայնությունը»:
Կարևորելով ՀԳՀԾ-ն ստորագրող մյուս երկրների կողմից ՀԳՀԾ-ի պահպանման անհրաժեշտությունն Իրանի ԱԳ նախարարության քաղաքական հարցերով տեղակալը հույս է հայտնել, որ Իրանից նավթի ներկրման ծավալների պակասեցման կամ ներկրման դադարեցման հարցում չի հանձնվի ԱՄՆ-ի ճնշումներին և չի կանխի Թեհրան Տոկիո առևտրա-տնտեսական հարաբերություների շարունակումը:
Միևնույն ժամանակ, Էրաղչին վերջացած է համարել Իրանի նավթի արտահանումները զրոյացնելու ԱՄՆ-ի ծրագիրը և հավելել է.«Թեհրանն իր նավթն արտահանելու համար միշտ էլ մի ելք գտել է»:
Անցած ուրբաթ, իր իրանցի պաշտոնակից Մուհամմդ Ջավադ Զարիֆի հետ Հռոմում կայացած հանդիպման ժամանակ, ԱՄՆ-ի կողմից ՀԳՀԾ-ի չեղարկմամբ հանդերձ բարձր գնահատելով միջուկային համաձայնությանը հավատարիմ մնալու Իրանի կառավարության մոտեցումը, Ճապոնիայի ԱԳ նախարար Թարո Կոնոն հայտարարել է.«Ի տարբերություն ԱՄՆ-ի, այս միջազգային համաձայնությանն աջակցելու հարցում Տոկիոյի դիրքորոշումը չի փոխվել»:
