Ազիզին դիմել է ամերիկացի զինվորականներին. քանի դեռ ուշ չէ, վերադարձեք ձեր երկիր

Իրանի իսլամական խորհրդարանի ազգային անվտանգության և արտաքին քաղաքականության հանձնաժողովի նախագահը սոցիալական ցանցերից մեկում հրապարակած գրառմամբ դիմել է ամերիկացիներին՝ կոչ անելով, քանի դեռ ուշ չէ, վերադառնալ իրենց երկիր։

Հղում անելով IRIB-ին, Pars Today-ը հաղորդում է, որ Էբրահիմ Ազիզին սոցիալական ցանցերից մեկում գրել է. «Իրանի ռազմածովային ուժերի հաղթանակած զինծառայողները ևս մեկ անգամ ձեզ ցույց տվեցին, որ սա հավերժ Պարսից ծոցն է, և  Իրանը՝ դրա նվաճողը,  կառավարում է այն»։

Դիմելով ԱՄՆ-ի  ահաբեկչական բանակի զինծառայողներին, նա հավելել է. «Քանի դեռ ուշ չէ, փախեք՝ փրկելու ձեր մնացած տեխնիկան և անձնակազմին  վերադարձեք ձեր երկիր, գուցե կարողանաք գոնե պաշտպանել ձեր սեփական սահմանները»։