Իրանն ընդգծել է կոռուպցիայի դեմ պայքարի հարցում համաշխարհային համագործակցության անհրաժեշտությունը
Իրանի Գլխավոր քննչական կազմակերպության տնօրենն ընդգծել է կոռուպցիայից գոյացած ակտիվների վերադարձման և հանցագործների արտահանձնման ուղղությամբ միջազգային շրջանակների համագործակցության անհրաժեշտությունը:
ԻՌՆԱ-ի հաղորդման համաձայն, Իրանի Գլխավոր քննչական կազմակերպության տնօրեն դատավոր Նասեր Սեռաջը հինգշաբթի օրը Վիեննայում Կոռուպցիայի դեմ պայքարի կառույցների միջազգային ֆորումի 10-րդ նստաշրջանում հայտարարել է. «Կոռուպցիայի դեմ պայքարի համար ՄԱԿ-ի կոնվենցիան մարդկության ջանքերի արդյունքն է, որն այսօր 15 տարի անց իր արբունքի շրջանում գտնվելով հանդերձ արժեքավոր փորձ է կուտակել ու ուշագրավ վայրիվերումների ականատես է եղել»:
«Համագործակցությունների ամրապնդումը և առավել արդյունավետ մեխանիզմների հայտնաբերմանն ուղղված ջանքերն անկասկած լուսավոր հեռանկար են ուրվագծում դեպի համաշխարհային քրեական արդարության այնպիսի համակարգ ուղղված շարժման համար, որը կարող է երաշխավորել իրավազուրկ ժողովուրդների իրավունքների վերականգնումը»,-հավելել է դատավոր Սեռաջը:
Հանցագործությունների դեմ պայքարի 10-րդ միջազգային համաժողովին մասնակցելու համար, Նասեր Սեռաջը երկուշաբթի օրը մեկնել է Վիեննա:
