Զարիֆը զգուշացրել է Իրանի հետ հակամարտության հետևանքների կապակցությամբ
ԻԻՀ ԱԳ նախարար Մուհամմադ Ջավադ Զարիֆը հայտարարել է. «Իրանի հետ ԱՄՆ-ի ռազմական հակամարտության դեպքում, որևէ մեկն այլևս ապահովության մեջ չի լինելու»:
«Լոբլոգ» ինտենետային էջին տված հարցազրույցում, Զարիֆն ասել է. «Թրամփի կառավարության մեջ կան անձինք, ովքեր փորձում են պատժամիջոցների քաղաքականությամբ Իրանի վրա ճնշում գործադրելով, Թեհրանին ստիպել դուրս գալ ՀԳՀԾ-ից: Սակայն առկա են նաև այլ նախագծեր, ինչպես օրինակ՝ հակամարտությունն Իրանի հետ, որոնք վտանգավոր են տարածաշրջանի և աշխարհի խաղաղության ու անվտանգության համար»:
Անդրադառնալով ԱՄՆ-ի ու Իրանի միջև պատերազմ հրահրելու Սաուդյան Արաբիայի, Սիոնիստական ռեժիմի և ԱՄԷ-ի ջանքերին, Զարիֆը հավելել է. «Անկասկած, տարածաշրջանում որևէ հակամարտության առաջացման դեպքում, որևէ մեկն այլևս ապահով չի լինելու»:
Անարդյունավետ որակելով ԱՄՆ-ի միակողմանի հակաիրանական պատժամիջոցներն ԻԻՀ ԱԳ նախարարը նշել է. «Մեր քաղաքականությունը հարևանների հետ բարեկամական հարաբերություններ հաստատելն է: Այսօր, բացի մեր հարևան երկրներից, ինչպես՝ Իրաքը, Թուրքիան, Պակիստանը, Աֆղանստանը, Ռուսասանը, Ադրբեջանը և Հայաստանը, մենք առևտրային հարաբերություններ ունենք նաև տարածաշրջանիի այլ երկրների հետ, ինչպես՝ Չինաստանն ու Հնդկաստանը»:
