Իրանը դադարեցնում է ՀԳՀԾ-ով ստանձնած իր պարտավորությունների մի մասի կատարումը
Իրանի Ագային անվտանգության գերագույն խորհուրդը ՀԳՀԾ-ի անդամ երկրներին հղած նամակում նշել է, որ Իրանը, նպատակ ունենալով պահպանել իր անվտանգությունն ու ազգային շահերը և ՀԳՀԾ-ի 26 և 36-րդ կետերով սահմանված իր իրավունքները, չորեքշաբթի օրվանից դադարեցնում է համաձայնությամբ ստանձնած իր որոշ պարտավորությունների կատարումը:
Խորհուրդը հայտարարել է, որ անցած մեկ տարվա ընթացքում, ՀԳՀԾ-ից ԱՄՆ-ի անօրինական դուրս գալուց և ՄԱԿ ԱԽ օրինագծերը խախտելուց հետո, Իրանը ցուցաբերել է առավելագույն ինքնազսպվածություն և համաձայնության անդամ մյուս երկրների խնդրանքով, նրանց տվել է հնարավորություն՝ պահպանելու ՀԳՀԾ-ն:
Բանաձևում իրանի Անվտանգության Խորհուրդը ՀԳՀԾ-ի անդամ մյուս երկրներին՝ Բրիտանիային, Ֆրանսիային, Գերմանիային, Ռուսաստանին և Չինաստանին 60 օր ժամանակ է տվել, որպեսզի կատարեն բանկային և նավթային ոլորտում իրենց պարտավորությունները: Նամակում ասված է, որ այն ժամանակ, երբ բավարարվեն Իրանի պահանջները, Թեհրանը կվերսկսի իր կողմից դադարեցված պարտավորությունների կատարումը: Հակառակ դեքում, Իրանը քայլ առ քայլ կդադարեցնի ՀԳՀԾ-ով ստանձնած իր բոլոր պարտավորությունները:
Նամակում նաև նշված է, որ Իրանն այլևս իրեն պարտավոր չի համարում պահպանել ՀԳՀԾ*ով սահմանված ուրանի հաստացման սահմանը և ծանր ջրի պաշարման սահմանափակությունը և եթե ՀԳՀԾ-ի անդամ երկրները չապահովեն Թեհրանի շահերը, Իրանը կդադարեցնի նաև ուրանի հարստացման և Արաքի ծանր ջրի ռեակտորի վերազինման հետ կապված իր պարտավորությունների կատարումը:
Իրանի Ազգային անվտանգության գերագույն խորհուրըդ հայտարաել է, որ Թեհրանը պատրաստ է անդամ երկրների հետ բանակցել վերոնշյալ հարցերի շուրջ, սակայն եթե նրանց կողմից որևէ անպատասխանատու քայլ արվի, կամ հարցը տեղափոխվի ՄԱԿ-ի ԱԽ ու Իրանի նկատմամբ նոր պատժամիջոցներ սահմանվեն, Թեհրանը կտրուկ հակազդեցություն կցուցաբերի:
