Իրանն արձագանքել է իր մետաղական արդյունաբերության նկատմամբ ԱՄՆ-ի սահմանած նոր պատժամիջոցին
Դատապարտելով ԱՄՆ-ի կողմից Իսլամական հանրապետության մետաղական արդյունաբերության նկատմամբ սահմանված պատժամիջոցը, Իրանի ԱԳ նախարարության խոսնակն ասել է.«Միացյալ Նահանգները պատասխանատու է այդ պատժամիջոցների հետևանքով Իրանի կրած վնասը հատուցելու համար»:
Սեյյեդ Աբբաս Մուսավին հինգշաբթի օրն ընդգծել է.«Իրանի մետաղական արդյունաբերության նկատմամբ սահմանափակումների կիրառումը, ինչպես ԱՄՆ-ի մյուս միակողմանի շրջափակումները հակասում են միջազգային հարաբերությունների սկզբունքներին ու կանոներին: Այն հստակորեն հակասում է ՄԱԿ-ի կանոնադրությամբ միջազգային պարտավորություններին,Ալժիրի ու Արդարադատության միջազգային դատարանի և 1955թ. Իրանի և ԱՄՆ-ի միջև կնքված «Բարեկամության, տնտեսական հարաբերությունների և հյուպատոսական իրավունքների մասին» համաձայնագրերին»:
ԱՄՆ նախագահ Դոնալդ Թրամփը չորեքշաբթի օրը Իրանի իսլամական հանրապետության դեմ իր թշնամական քայլերի շրջանակում հրամանագիր է ստորագրել՝ պատժամիջոցներ սահմանելով Իրանի մետաղների արդյունաբերության դեմ: Պատժամիջոցները կտարածվեն պղնձի, պողպատի, ալյումինի և երկաթի վրա:
ԱՄՆ-ի նոր պատժամիջոցները սահմանվել են Համատեղ գործողությունների համապարփակ ծրագրից ԱՄՆ-ի դուրս գալու տարելիցի օրը:
Թրամփը հրամանագրում նշել է,որ եթե Իրանը չփոխի իր վերաբերմունքը, ավելի մեծ ճնշումների կենթարկվի:
Իրանի իսլամական հանրապետությունը,որ հիմնական դերակատարություն ունի տարածաշրջանում ամերիկա-սիոնիստական առանցքի սադրանքներին ու քայլերին դիմակայելու հարցում, հայտարարել է,որ չի հանձվելու ԱՄՆ-ի ճնշումներին:
