Խառազի.«Եվրոպայի հանձնառությունների իրականացման արագացումը կարող է պահպանել ՀԳՀԾ-ն»
Իրանի արտաքին հարաբերությունների ռազմավարական խորհրդի նախագահն ասել է.«Եվրոպան արագացնելով Իրանի հետ եվրոպական երեք երկրի առևտրային փոխանակումների մեխանիզմի՝ INSTEX-ի գործադրումը, կարող է մահից փրկել Համատեղ գործողությունների համապարփակ ծրագիրը»:
«Խաղաղության ֆորում»-ին մասնակցելու նպատակով Փարիզ այցելած Սեյեդ Քյամալ Խառազին, ուրբաթ օրը Ֆրանսիայի Ազգային ժողովի արտաքին հարաբերությունների հանձնաժողովի նախագահ Մարիել Դը Սարնեզի հետ հանդիպման ժամանակ անդրադառնալով իր պարտավորությունների փուլային դադարեցման և Միջուկային համաձայնագիրը կնքած մյուս կողմերին 60 օր ժամանակ տրամադրելու մասին Իրանի որոշմանը, հավելել է.«Իրանի ժողովուրդը վատատես է դարձել Եվրոպայի նկատմամբ՝ ՀԳՀԾ-ով ստանձնած իր պարտավորությունները չկատարելու և Դոնալդ Թրամփի պատժամիջոցային քաղաքականությանը հետևելու և ԱՄՆ-ի վերազգային որոշումներին ընթացք տալու պատճառով»:
Խոսելով միջուկային բանակցություններում Իրանի ազնվության մասին,Խառազին հավելել է.«Եվրոպան միայն բավարարվել է քաղաքական դիրքորոշմամբ և թերացել է իր պարտավորությունների կատարման մեջ»:
Դը Սարենզը մտահոգություն հայտնելով ՀԳՀԾ-ից Իրանի հավանական դուրս գալու կապակցությամբ , քննադատել է ԱՄՆ-ի վերազգային որոշումներն ու գործադրած ճնշումները: Նա խոստովանել է, որ Համատեղ գործողությունների համապարփակ ծրագիրը փաստորեն չի կարողացել լավ առաջընթաց ունենալ: