«Դարի գործարք» պլանը դավադրություն է՝ պաղեստինյան տեսլականը ոչնչացնելու համար
ԻԻՀ նախագահն ընդգծել է, որ «դարի գործարք» նախագիծը դավադրություն է՝ պաղեստինյան տեսլականը ոչնչացնելու, սիոնիստների օկուպացիայի զարգացման և բոլոր իսլամական երկրների դեմ ոտնձգություն իրականացնելու համար:
Ուրբաթ օրը Մեքքայում կայացած Իսլամական համագործակցության կազմակերպության երկրների ղեկավարների նիստին հղած ուղերձում, Հասան Ռոհանին իսլամական երկրների ղեկավարներին կոչ է արել հավատարիմ մնալ Ղոդսին որպես մուսուլմանների առաջին ղիբլայի: Նա նշել է, որ իսլամական երկրների ղեկավարները պետք է օգտագործեն այս հնարավորությունը՝ «դարի գործարք» վտանգավոր դավադրությանը դիմակայելու և Պաղեստինին պաշտպանելու համար:
ԻԻՀ նախագահը հավելել է, որ իսլամական պետությունները չպետք է թույլ տան, որ մուսուլմանների առաջին ղիբլան մեկուսացվի Սիոնիստական օկուպնտ ռեժիմի կողմից և նրանց տիրապետությունը հաստավի Ղոդսի վրա:
Իրանի նախագահն ընդգծել է. «Դարի գործարքի նախագծողները փորձում են Պաղեստինի բնակչության իրավունքը ոտնահարել և պաղեստինյան տեսլականը ոչնչացնել»:
Ռոհանին կոչ է արել իսլամական երկրներին պահպանել միասնությունը և հավելել է, որ իսլամական աշխարհում ցանկացած քայլ, որը կփորձի շեղել Պաղեստինի նպատակից, ուղղված է Սիոնիստական ռեժիմին և իսլամական աշխարհի այլ թշնամիներին ծառայելուն:
Ուրբաթ օրը, Ղոդսի համաշխարհային օրվան նվիրած քայլերթի ժամանակ, ԻԻՀ ԱԳ նախարար Մոհամեդ Ջավադ Զարիֆն ասել է.«Ղոդսը չի պատկանում ԱՄՆ-ին, որպեսզի այն նվիրվի Իսրայելին, և Սիոնիստական ռեժիմը չի կարող պահանջել այն: Ղոդսը պատկանում է մուսուլմանների և պաղեստինցիներին»:
