Ռոհանի. Իրանը ջանքեր է տանում տարածաշրջանում ապահովություն և անվտանգություն հաստատելու ուղղությամբ
ԻԻՀ նախագահը հայտարարել է, որ Իրանը կարևորում է Միջին Արևելքի տարածաշրջանում կայունության ու ապահովության հաստատումը:
Ղրղզստան մեկնելուց առաջ լրագրողների հետ ճեպազրույցում, Հասան Ռոհանին ասել է. «Իրանը մշտապես ջանքեր է գործադրել տարածաշրջանում ապահովություն ու խաղաղություն հաստատելու ուղղությամբ և այս տարիների ընթացքում ապացուցել է, որ կարևորում է նաև հարևան երկրներում ապահովության ու խաղաղության հաստատումը»:
Անդրադառնալով Ղրղզստանում անցկացվելիք Շանհայի Համագործակցության Կազմակերպության նիստին, ԻԻՀ նախագահը նշել է. «Այս նիստում քննարկվելու է տարածաշրջանի ապահովության և անդամ երկրների հարաբերությունների հարցը»:
Նշելով, որ ՇՀԿ նիստին մասնակցելու են նաև այնպիսի կարևոր երկրներ, ինչպես՝ ՌԴ-ն և Չինաստանը, Հասան Ռոհանին հավելել է. «Այս երկու երկրներն Իրանի բարեկամներն են և հանդիսանում են 4+1 խմբի անդամներ: Ներկա իրավիճակում կարևոր է նաև, որ այս երկրների հետ քննարկենք ՀԳՀԾ-ի հարցը»:
