ԻԻՀ նախագահ.«ԱՄՆ միջամտողական ռազմական ներկայությունը տարածաշրջանի խնդիրների արմատն է»
ԻԻՀ նախագահն ասել է.«Թեհրանի կայուն դիրքորոշումը խթանում է տարածաշրջանի ու ողջ աշխարհի լարվածության նվազումը և կայունության ու խաղաղության զարգացումը»:
ԻԻՀ նախագահ Հասան Ռոհանին կիրակի օրը Թեհրանում համաշխարհային միջխորհրդարանական միության նախագահ Գաբրիելա Կուեվաս Բարոնի հետ հանդիպման ժամանակ միակողմանիությունը համարել է ժամանակակից աշխարհի գերխնդիրը,ասելով.«Այսօր Միացյալ Նահանգներն Իրանի ժողովրդի դեմ տնտեսական ահաբեկչություն է իրականացնում և նույնիսկ սահմանափակումներ կիրառում սննդամթերքի ու դեղորայքի նկատմամբ»:
Նշելով, որ ԱՄՆ-ի միջամտողական ռազմական ներկայությունը տարածաշրջանի խնդիրների պատճառն է համարվում, Ռոհանին հստակեցրել է.«Ամերիկյան անօդաչու թռչող սարքի ներխուժումն Իրանի օդային տարածք, տարածաշրջանում ԱՄՆ-ի կողմից նոր լարվածության սկիզբն է,ինչն սպառնում է Պարսից ծոցի և Օմանի ծովի անվտանգությանը,ուստի բոլոր միջազգային կառույցները պետք է պատշաճ կերպով արձագանքեն ԱՄՆ-ի ագրեսիվ գործողությանը»:
Միջխորհրդարանական միության նախագահ Գաբրիելա Կուեվաս Բարոնն անդրադառնալով հակամարտությունների խաղաղ կարգավորման և աշխարհում բազմակողմանիության տարածման հարցում Իրանի կարևոր դերակատարությանը, ասել է.«Համատեղ գործողությունների համապարփակ ծրագիրը ցույց տվեց,որ բազմակողմանիությունն ու փոխգործակցությունը մեծ նշանակություն ունեն տարածաշրջանում ու աշխարհում խաղաղություն հաստատելու համար և աշխարհը պետք է դաս քաղի փոխգործակցության ոլորտում Իրանի հաջող փորձից և հարգի միջազգային համաձայնություններն ու երկխոսությունը»:
