Ռոհանի.«ԱՄՆ պաշտոնատարները խելքները կորցրել են»
Անդրադառնալով Իրանի դեմ նոր շրջափակումներ սահմանելու ԱՄՆ-ի քայլին, ԻԻՀ նախագահն ընդգծել է.«Մի երկրի քաղաքական, հասարակական ,կրոնական ու հոգևոր գերագույն առաջնորդի նկատմամբ շրջափակումների սահմանելը զավեշտալի և ստոր արարք է: Առաջնորդ, ով ոչ միայն Իրանի այլև ողջ աշխարհի մուսուլմանների ու իսլամական հեղափոխության սիրահարների առաջնորդն է»:
Երեքշաբթի օրը ԻԻՀ նախագահ Հասան Ռոհանին նշել է, որ ԱՄՆ-ն իր շրջափակումների մեջ ներառել է Իսլամական հեղափոխության մեծարգո առաջնորդի ակտիվները: Նա ասել է.«Իսլամական հեղափոխության մեծարգո առաջնորդի ունեցվածքը ընդամենը մեկ հոսեյնիե է և մի հասարակ բնակարան: Իրանի առաջնորդը աշխարհի մյուս ղեկավարների նման իր արտասահմանյան հաշվեհամարներում միլիոնավոր դոլարներ չունի, որոնք հնարավոր լինի արգելափակել»:
Նշելով, որ ԱՄՆ-ն դուրս է եկել ռացիոնալ ճանապարհից, Ռոհանին հավելել է.«Ամերիկացիների կողմից բանակցության կարգախոս վանկարկելը և դրան զուգահեռ Իրանի արտգործնախարարի նկատմամբ շրջափակումներ կիրառելու որոշումը ցույց է տալիս Իրանի ժողովրդին ուղղված թշնամիների ստախոսությունը»:
Անդրադառնալով Իրանի օդային տարածք ներխուժած ԱՄՆ-ի լրտեսական անօդաչու թռչող սարքի ոչնչացմանը, նախագահ Ռոհանին ասել է.«Իրանի համբերությունը մինչև Իսլամական հանրապետության կարմիր գծերի սկիզբն է, և երկրի սահմանները համարվում են Իրանի համակարգի կարմիր գիծը»:
