Զարիֆ.«Իրանական նավթային լցանավի կալանավորումը ծովահենություն է ԱՄՆ-ի կարգադրությամբ»
Իրանի ԱԳ նախարարն ասել է.«Իրանի նավթատար նավի կալանավորումը ծովահենություն էր, որը կատարվեց ԱՄՆ-ի կարգադրությամբ»:
Մոհամմեդ Ջավադ Զարիֆը երեքշաբթի օրը թուիթերյան իր էջում շնորհավորելով Բորիս Ջոնսոնին Բրիտանիայի վարչապետի պաշտոնում ընտրվելու կապակցությամբ հավելել է.«Թեհրանը առճակատման չի ձգտում, բայց Իրանը Պարսից ծոցում 1500 մղոն ափ ունի և կպահպանի այն»:
Բրիտանիայի ծովուժը 2019 թվականի հուլիս հինգին Ջիբրալթարում կալանավորեց իրանական նավթային լցանավը պատճառաբանելով, որ այն խախտել է Սիրիայի դեմ Եվրամիության պատժամիջոցները:
Նշենք, որ Իրանի իսլամական հեղափոխության Պահապանների կորպուսի ծովուժը հուլիսի 19-ին Հորմոզի նեղուցում կալանավորել էր բրիտանական Stena lmpero նավթային լցանավը՝ միջազգային ծովագնացության օրենքները խախտելու, իր տեղորոշման համակարգն անջատելու և նավթային թափոններից ազատվելու պատճառով:
