Ռոհանին ստորագրել է ՀԳՀԾ-ով ստանձնած պարտավորությունների կրճատման երրորդ քայլի մեկնարկի հրամանը
Ռոհանին ստորագրել է սեպտեմբերի 6-ին ՀԳՀԾ-ով ստանձնած Իրանի պարտավորությունների կրճատման երրորդ քայլի մեկնարկի հրամանը:
Իրանի եռյակ իշխանությունների ղեկավարների նիստի ավարտին, Հասան Ռոհանին հայտարարել է. «Ուրբաթ օրը, Իրանն անելու է ՀԳՀԾ-ով ստանձնած իր պարտավորությունների նվազեցման երրորդ քայլը և այդ քայլի շրջանակներում, ՄԱԳԱՏԵ-ն պետք է ապահովի միջուկային տեխնոլոգիաիների զարգացման համար անհրաժեշտ բոլոր հնարավորությունները»:
ԻԻՀ նախագահը հավելել է. «Իրանի Ատոմային էներգիայի կազմակերպությունը մի կողմ կդնի միջուկային հետազոտությունների և ոլորտի զարգացման վերաբերյալ ստանձնած իր բոլոր պարտավորությունները և կսկսի ցենտրիֆուգների արդիականացման և ուրանի հարստացման համար անհրաժեշտ քայլերի զարգացմանն ուղղված գործողությունները»:
ԻԻՀ նախագահն ասել է. «Ուրբաթ օրը, ՀԳՀԾ-ով սահմանված բոլոր ժամանակացույցերը չեղարկվում են և Իրանը շարունակելու է միջուկային տեխնոլոգիայի արդիականացմանն ուղղված իր գործողությունները՝ ՄԱԳԱՏԷ-ի վերահսկողությամբ և խաղաղանպատակ գործողությունների շրջանակում»:
Նրա խոսքերով. «Իրանի բոլոր գործողություններն իրականացվելու են ՄԱԳԱՏԷ-ի օրենքների շրջանակում: Եվրոպային կտրվի ևս 60 օր ժամկետ և եթե նրանք կատարեն ՀԳՀԾ-ով ստանձնած իրենց պարտավորությունները, Իրանը նույնպես կվերադառնա դրանց իրագործմանը»:
Անդրադառնալով միջուկային բանակցություններին, Ռոհանին ասել է. «Ամերիկացիների առաջին և իսկական նպատակը Ւրանի համակարգը փոխելն էր, իսկ հաջորդ նպատակն այն էր, որ եթե նրանց չհաջողվեր հասնել առաջինին, խարխլեին Իրանի իսլամական հանրապետության համակարգի հիքմերը»:
