Իրանի բանակի հրամանատար. «Իրանի զինված ուժերը խստորեն կպատասխանեն ցանկացած սպառնալիքի»
Իրանի բանակի ընդհանոր հրամանատարն ասել է, որ Իսլամական հանրապետության զինված ուժերը խստորեն կպատասխանեն հակառակորդի ցանկացած սպառնալիքի:
Երկուշաբթի օրը, Բուշեհր նահանգում Իրանի բանակի և Իսլամական հեղափոխության պահապանների կորպուսի հակաօդային պաշտպանության ստորաբաժանումներ այցի շրջանակներում գեներալ-մայոր Սեյեդ Աբդուլռահիմ Մուսավին, ասել է.«Իրանի բանակի և Իսլամական հեղափոխության պահապանների կորպուսի հակաօդային պաշտպանության ստորաբաժանումները պաշտպանում են երկրի բոլոր կարևոր, զգայուն և կենսական նշանակություն ունեցող տարածքները»:
Գեներալ Մուսավին նշել է, որ Իրանի Զինված ուժերը ձեռնարկել են անհրաժեշտ միջոցները՝ երկրի օդային, ծովային և ցամաքային սահմանները պաշտպանելու համար, և պաշտպանական ոլորտում չկա որևէ բացթողում:
Իրանի բանակի ընդհանոր հրամանատարն անդրադառնալով Արևմտյան Ասիայի տարածաշրջանում օտարերկրացիների ներկայությանն ասել է. «Արևմտյան Ասիայի տարածաշրջան մուտք գործելուց հետո արտատարածաշրջանային երկրներն իրենց հետ անապահովություն և լարվածություն են բերել»:
Գեներալ Մուսավին ընդգծել է, որ քառասուն տարի Պարսից ծոցի անվտանգությունը պահպանվել է Իրանի Իսլամական Հանրապետության զինված ուժերի ջանքերով և եթե տարածաշրջանի երկրները նույնպես համագործակցեն, այն կդառնա աշխարհում ամենաապահով տարածաշրջանը: