ԻԻՀ կառավարություն. «Իրանը պատրաստ Է ՀԳՀԾ-ի շուրջ իրադրության ցանկացած զարգացման»
Արձագանքելով «ձգանի մեխանիզմ»-ն ակտիվացնելու մասին Եվրոպայի հակասական հայտարարություններին, Իրանի կառավարության խոսնակն ասել է.«Թեհրանը պատրաստ Է միջուկային ծրագրի վերաբերյալ Համատեղ գործողությունների համապարփակ ծրագրի (ՀԳՀԾ) շուրջ իրադրության զարգացման բոլոր սցենարներին»:
«Ձգանի մեխանիզմը», կամ ՀԳՀԾ-ի հետ կապված տարաձայնությունների լուծման մեխանիզմն այն մեխանիզմն է, որը կարող է բերել Թեհրանի դեմ ՄԱԿ-ի ԱԽ-ի նախքան թիվ 2231 բանաձևի ընդունումը սահմանած պատժամիջոցների վերականգնման:
Երկուշաբթի օրը կայացած մամուլի ասուլիսում, խոսելով ՀԳՀԾ-ի շրջանակում Իրանի կողմից պարտավորությունների կրճատումը շարունակվելու մասին, Իրանի կառավարության խոսնակ Ալի Ռաբիին հստակեցրել է.«Եթե եվրոպական երկրները կատարեն իրենց պարտավորությունները, Իրանը կարող է հրաժարվել պարտվորությունները կրճատելու որոշումից»:
Նշելով, որ ՀԳՀԾ-ի անդամ եվրոպական երկրները պետք է ուշադիր լինեն իրենց հետագա որոշումներում, քանի որ կարող է անուղղելի վնաս հասցվի ՀԳՀԾ-ին, Իրանի կառավարության խոսնակը հավելել է.«Իրանն այդ սպառնալիքներով չի նահանջի իր արդար ու օրինական պահանջներից»: