Իրանի արտգործնախարարության քայլերը՝ կորոնավիրուսի դեմ պայքարում
Ներկայացնելով կորոնավիրուսի դեմ պայքարում Իրանի ԱԳՆ ձեռնարկած քայլերը, նախարարության խոսնակը բարձր է գնահատել այդ ուղղությամբ Իրանին ցուցաբերված Չինաստանի կառավարության ու ժողովրդի օգնությունները:
Նշելով, որ արտերկրում բնակվող հայրենակիցներին աջակցելը արտգործնախարարության գլխավոր առաջնահերթություններից է, Սեյեդ Աբբաս Մուսավին ասել է.«Չինաստանում կորոնավիրուսի տարածման ժամանակ, հնարավոր ամեն ինչ արվեց Վուհանում գտնվող իրանցի ուսանողներին օգնություն ցուցաբերելու համար: Բոլոր տարբերակներն ուսումնասիրելուց հետո և պատկան կառույցների, հատկապես առողջապահության նախարարության համադրությամբ, իրանցի ուսանողները չարտերային թռիչքով վերադարձան Իրան»:
Մուսավին հավաստիացրել է, որ Իրանում կորոնավիրուսը տարածվելոից հետո, նախարարության ջանքերը կենտրոնացան բարեկամ ժողովուրդների ու կառավարությունների և միջազգային կազմակերպությունների օգնությունների և դրանց Իրան տեղափոխումն իրականացնելու աշխատանքների վրա և այդ ընթացքն այսօր էլ շարունակվում է: