Իրան. Իրաքն ապակայունացնելու ցանկացած փորձ դատապարտելի է
Իրանի արտգործնախարարության խոսնակը դատապարտել է Իրաքի Հաշդ ալ Շաբի խմբավորման դեմ ԻԼԻՊ ահաբեկչական խմբավորման հարձակումը:
Իրանի ԱԳՆ խոսնակ Սեյեդ Աբբաս Մուսավին, անդրադառնբալով ԻԼԻՊ-ի ահաբեկիչների իրականացրած հարձակմանը, որի հետևանքով զոհվել են Հաշդ ալ Շաբի խմբավորման մի խումբ անդամներ, ասել է. «Իրանի իսլամական հանրապետությունն աջակցում է ահաբեկչության դեմ պայքարում և երկրում խաղաղություն ու կայունություն հաստատելու Իրաքի կառավարության ջանքերին»:
Մուսավին հույս է հայտնել, որ կառավարության և ժողովրդի միասնության ու ջանքերի շնորհիվ, Իրաքը կձերբազատվի որոշ երկրների աջակցությամբ գործող ԻԼԻՊ-ի ահաբեկիչներից:
Շաբաթ առավոտյան, ԻԼԻՊ ահաբեկչական խմբավորումը Սալահեդդին նահանգում հարձակում է իրականացրել Հաշդ ալ Շաբի ուժերի վրա: Բախումների ընթացքում զոհվել է Հաշդ ալ Շաբի խմբավորման 10 և վիրավորվել 4 անդամ:
