Զարիֆ. Եվրոպացիները պետք է կատարեն ՀԳՀԾ-ով ստանձնած պարտավորությունները
Անդրադառնալով վերջին 4 տասնամյակների ըթնացքում Իրանի նկատմամբ կիրառված պատժամիջոցներին ու դրանց հետևանքով առաջացած խնդիրներին, ԻԻՀ ԱԳ նախարարն ասել է. «Եվրոպացիների շահերից է բխում ՀԳՀԾ-ով ստանձնած իրենց պարտավորությունների գործադրումը»:
Հունիսի 6-ին,Միջերկրածովյան երկխոսության (MED 2020) վիրտուալ հանդիպման ժամանակ ունեցած ելույթում, Մոհամմադ Ջավադ Զարիֆն ասել է, որ Թեհրանի համար նշանակություն չունի, թե ով կհաղթի ԱՄՆ-ի հաջորդ ընտրություններում: Նա նշել է. «Իրանի նկատմամբ Վաշինգտոնի քաղաքականությունը պետք է փոփոխվի, և ԱՄՆ-ի հաջորդ վարչակազմը պետք է պատասխանատվություն կրի այդ երկրի տարբեր ժամանակների կառավարությունների կողմից Իրանի ժողովրդին հասցված վնասի համար»:
Անդրադառնալով Իրանի զենքի էմբարգոն երկարաձգելու ԱՄՆ-ի ջանքերին, Զարիֆը հայտարարել է. «Այս հարցը համաձայնեցվել է ՀԳՀԾ-ում, և ոչ ոք չի կարող այն փոխել»:
Զարիֆը նշել է, որ տարբեր երկրներին ամերիկյան զենքի և ռազմական տեխնիկայի վաճառքն աշխարհում անկայունությանն ու անկարգություններին նպաստող գործոններից մեկն է: Նրա խոսքերով. «Միացյալ Նահանգների կողմից ամեն տարի Սաուդյան Արաբիային վաճառվող զենքի արժեքը, երեք անգամ գերազանցում է Իրանի ողջ ռազմական և պաշտպանական բյուջեն»:
