ԻԻՀ նախագահ.«Իրանը երբեք չի հանձնվի գերտերությունների, հատկապես ԱՄՆ-ի ճնշումներին»
Ընդգծելով, որ Իսլամական հանրապետությունը երբեք չի հանձնվի գերտերությունների, հատկապես ԱՄՆ-ի ճնշումներին, ԻԻՀ նախագահն ասել է.«Ամերիկացիները պետք է իմանան, որ չնայած Իրանի ժողովրդի շահերի դեմ իրականացրած կործանարար քայլերին, երբեք չեն հասնի իրենց նպատակներին»:
Չորեքշաբթի օրը կայացած կառավարության նիստում, նշելով, որ չնայած հակաիրանական պատժամիջոցներին և կորոնավիրուսի համավարակի հետևանքով առաջացած խնդիրներին, նվազել են գնաճի տեմպերը և աճել է տնտեսությունը, ԻԻՀ նախագահ Հասան Ռոհանին ասել է.«Իրանն ԱՄՆ-ի գործողությունների դիմաց երբեք չի մեկուսացել և երբեք չի դադարել այս երկրի տնտեսության աճը»:
Անդրադառնալով Համատեղ գործողությունների համապարփակ ծրագրի ստորագրման հինգերորդ տարելիցին, ԻԻՀ նախագահն ասել է. «ՀԳՀԾ-ից ԱՄՆ-ի դուրս գալը սիոնիստների, տարածաշրջանի հետադեմ երկրների ղեկավարների և ԱՄՆ ծայրահեղականների չարաբաստիկ եռյակի ջանքերի արդյունք է: Իրանի խաղաղասեր լինելու փաստը, հակաիրանական քարոզչության անհիմ լինելը, Իրանի ազգային անվտանգությանը հարվածելու թշնամու փորձերի ձախողումը և Թեհրանի դեմ Անվտանգության Խորհրդի բանաձևերի չեղարումը ՀԳՀԾ-ի ձեռքբերումներն են,որոնք պահպանվել են մինչ օրս, չնայած ԱՄՆ-ի ջանքերին»:
«Իրանի զենքի էմբարգոյի ավարտը միջազգային իրավունքի և բազմակողմանիության պահպանման ուղղությամբ քայլ կլինի և Թեհրանը ուշադիր հետևում է այս ոլորտում տեղի ունեցող զարգացումներին»,ասել է նախագահ Ռոհանին:
