Ադրբեջանի արտաքին գործերի նախարարի այցը Թեհրան
Իրանի արտաքին գործերի նախարարության խոսնակը հայտարարել է Ադրբեջանի Հանրապետության արտաքին գործերի նախարարի Թեհրան կատարելիք այցի մասին:
Նա նշել է. «Ադրբեջանի արտաքին գործերի նախարար Ջեյհուն Բայրամովը չորեքշաբթի օրը կժամանի Թեհրան՝ Իրանի Իսլամական Հանրապետության բարձրաստիճան պաշտոնյաների հետ քննարկելու փոխադարձ հետաքրքրություն ներկայացնող հարցեր»:
Երկուշաբթի օրը, տեսակապի միջոցով պատասխանելով լրագրողների հարցերին, անդրադառնալով ՀԳՀԾ-ի վերաբերյալ Գերմանիայի արտգործնախարար Հեյկո Մաասի վերջին հայտարարությանը, Սաիդ Խաթիբզադեն ասել է. «ՀԳՀԾ-ի շուրջ բանակցություններ են եղել և ՄԱԿ-ի 2231 բանաձևով ընդունված գործող համաձայնագիրը չի փոխվի»:
Իրանի արտաքին գործերի նախարարության խոսնակը հավելել է. «Իրանը չի վերսկսի բանակցությունները մի հարցի շուրջ, որի մասին նախկինում բանակցություններ են տարվել և ոչ էլ 2231 բանաձևի պարտադիր բնույթը կփոխվի»:
Գերմանիայի արտաքին գործերի նախարար Հեյկո Մաասը Սպիտակ տան քաղաքականությանը համահունչ հայտարարության մեջ նշել է, որ Իրանի հետ նոր միջուկային գործարքը բխում է Եվրոպպայի շահերից:
Ընդգծելով, որ Իրանը ոչ բանակցում է, ոչ էլ փոխզիջման է գնում իր ազգային անվտանգության հարցերի շուրջ, Խաթիբզադեն ասել է. «Իրանը տեղյակ է իր իրավունքների և պարտականությունների մասին և մյուս կողմին հիշեցրել է իր իրավունքների և պարտականությունների մասին: Այն, ինչը չի ստացվել առավելագույն ճնշմամբ, այլ մեթոդներով չի ստացվելու»:
Խաթիբզադեն անդրադարձել է Իրանի արտաքին գործերի նախարար Մոհամադ Ջավադ Զարիֆի այն հայտարարությանը, որ Միացյալ Նահանգները պետք է վերադառնա ՀԳՀԾ, ինչպես նաև իսլամական խորհրդարանում հաստատված «Պատժամիջոցների վերացման և Իրանի ժողովուրդի պաշտպանության ռազմավարական գործողությունների ծրագրին», ասելով.«Եթե խորհրդարանի որոշումը օրենք դառնա, արտգործնախարարությունը կհարգի այն»:
