Վելայաթի. ԱՄՆ-ի ՀԳՀԾ վերադառնալու պայմանը պատժամիջոցների վերացումն է
Իրանի իսլամական հեղափոխության գերագույն առաջնորդի միջազգային հարցերով խորհրդականն ասել է. «ԱՄՆ-ի ՀԳՀԾ վերադարձնելու պայմանն Իրանի դեմ բոլոր ճնշող պատժամիջոցների վերացումն է»:
Երկուշաբթի օրը Ալի Աքբար Վելայաթին KHAMENEI.IR լրատվական բազային տված հարցազրույցում հավելել է. «Ցավալի է, որ Միացյալ Նահանգներին հետևելով, Եվրամիության ներկայացուցիչ հանդիսացող Ֆրանսիան, Գերմանիան և Բրիտանիան նույնպես շատ սահմանափակումներ են կիրառել Իրանի նկատմամբ և անուղղակի պատժամիջոցներ են սահմանել, բայց Ռուսաստանն ու Չինաստանը որքան կարողացան, օգնեցին և կատարեցին իրենց խոստումը»:
Վելայաթին հավելել է. «ԱՄՆ-ն իր ստանձնած պարտավորությունների կատարման ընթացքում այդնան վատ ցուցանիշ ունեցավ, որ Իրանն իրավունք ունի հոռետես լինել բանակցությունները շարունակելու հարցում, բացի այդ, Իրանը տուժել է, և նրա կորուստները պետք է փոխհատուցվեն»:
Իսլամական հեղափոխության գերագույն առաջնորդի խորհրդականը շեշտել է. « Ցանկացած կառավարություն, որը հանդիսանում է Միջուկային զենքի չտարածման պայմանագրի կողմ (NPT), իրավունք ունի օգտվել միջուկային էներգիայի խաղաղ օգուտներից և ներկայիս դարաշրջանում ոչ մի երկիր չի կարող նրան զրկել միջուկային էներգիայի խաղաղ օգտագործման իրավունքից»:
