Իրանը և Թուրքիան համագործակցում են սահմանային շրջաններում անվտանգության ապահովման գործում
ԻԻՀ ոստիկանության զորքերի սահմանապահ ուժերի հրամանատարը հայտարարել է. «Սահմանային տարածքների ապահովման հարցում Իրանը և Թուրքիան աշխատում են համակարգված և այդ ուղղությամբ համագործակցություններն առաջիկայում ընդլայնվելու են»:
Բրիգադային գեներալ Ահմադ Ալի Գուդարզին, Արևմտյան Ատրպատական և Քուրդիստանի նահանգների սահմանային ուժերի հրամանատարների և Թուրքիայի ժանդարմերիայի գլխավոր հրամանատարի հետ տեսակոնֆերանսի ձևաչափով կայացած հանդիպումից հետո Բանե շրջանում կայացած մամուլի ասուլիսում հայտարարել է, որ տեղեկատվության փոխանակումը նպաստելու է տարածաշրջանում անվտանգության պահպանմանը: Նա հավելել է. «Իրանի և Թուրքիայի միջև առկա է բարձր մակարդակի համագործակցություն: Որոշում է կայացվել, որ երկու երկրների սահմաններին ցանկացած միջադեպի դեպքում, սահմանապահների միջև սերտ հաղորդակցություն լինի, և խնդիրը արագ լուծվի»:
Իրանի Իսլամական Հանրապետության ոստիկանության զորքերի սահմանապահ հրամանատարը նշել է, որ զինված ընդդիմադիր խմբավորումների հետ սահմանամերձ շրջաններում բախումների ժամանակ Թուրքիայի և Իրանի սահմանապահ ուժերն ունեցել են կորուստներ, հավելելով. «Հանդիպմանը ժամանակ տեղեկատվություն է փոխանակվել սահմաններին կայուն անվտանգությունը պահպանելու ուղղությամբ և իրականացվել է հանցագործների փոխանակում»:
