Խաթիբզադե. Թուրքիայում Իրանի գլխավոր հյուպատոսության ոչ մի աշխատակից չի ձերբակալվել

ԻԻՀ ԱԳՆ խոսնակն արձագանքելով թուրքական լրատվամիջոցներից մեկում հրապարակված լուրին, հայտարարել է, որ Թուրքիայում Իրանի գլխավոր հյուպատոսության ոչ մի աշխատակից չի ձերբակալվել:

ԻՌՆԱ-ի հաղորդման համաձայն, Սաիդ Խաթիբզադեն նշել է. «Հրապարակված լուրը չի համապատասխանում իրականությանը  և դրանում հնչեցված մեղադրանքներն անհիմն են»:

Խաթիբզադեն հավելել է. «Թուրքիայում Իրանի գլխավոր հյուպատոսարանի աշխատակիցներից որևէ մեկը ներգրավված չի եղել վերոնշյալ լրատվամիջոցում տեղ գտած լուրի մեջ ներկայացված գործողություններում և հյուպատոսարանի աշխատակիցներից ոչ մեկը չի ձերբակալվել»:

Իրանի ԱԳՆ խոսնակը նշել է. «Մենք պաշտոնական խողովակներով կապի մեջ ենք Թուրքիայի իշխանությունների հետ՝ տվյալ խնդրի շուրջ պարզաբանումներ ստանալու և խնդրին հետևելու նպատակով»: