Տեղի է ունեցել ԻԻՀ բանակի ցամաքուժի 7 նորագույն ձեռքբերումների շնորհանդեսը
Իրանի Իսլամական Հանրապետության բանակի փոխհամակարգողի ներկայությամբ կայացած արարողության ժամանակ, տեղի է ունեցել բանակի ռազմացամաքային ուժերի մարտական և տեխնոլոգիական 7 նորագույն ձեռքբերումների շնորհանդեսը:
Այսօր ԻԻՀ բանակի ռազմացամաքային ուժերի հրամանատար բրիգադային գեներալ Քյումարս Հեյդարիի և փոխհամակարգող ծովակալ Հաբիբոլլահ Սայարիի ներկայությամբ, Իրանի Իսլամական Հանրապետության բանակի ռազմացամաքային ուժերի հետազոտությունների ու ինքնաբավության ջիհադի կազմակերպությունում տեղի է ունեցել կազմակերպության պաշտպանական ձեռքբերումների շնորհանդեսը:
Բանակի ռազմական և մարտական նոր ձեռքբերումներն են՝ անօդաչու թռչող սարքերի ռադարային ալիքների նախազգուշացման սարքը, անօդաչու թռչող սարքերի լազերային նախազգուշացման սարքը, միկրոտուրբո շարժիչը, և TIAM 1400-ը (ԱԹՍ-ների ինքնապաշտպանության համակարգ.որը նախատեսված է թշնամու օդային հսկողության և ուղղորդող ռադարների հայտնաբերման համար):
Անօդաչու թռչող սարքերի սպառնալիքներին և հեռակառավարվող համակարգերին դիմակայելը, այս տեսակի սպառնալիքների նավիգացիոն համակարգի աշխատանքը խափանելը, հաճախականությունների մեծ մասի տիրույթները խափանելու կարողությունը, բոլոր գործառնական տարածքներում և մարտադաշտերում օգտագործելիությունը, արագ տեղակայումը, գործողության շարունակականությունը, խելամտությունը և օգտատիրոջ կարիք չունենալը, այս համակարգերի հնարավորություններից են:
