Զարիֆը շեշտել է Քարբալայում Իրանի հյուպատոսության դեմ հարձակման հեղինակներին բացահայտելու անհրաժեշտությունը
Իրանի արտգործնախարարը շեշտել է Քարբալայում Իրանի հյուպատոսության դեմ հարձակման հեղինակներին բացահայտելու անհրաժեշտությունը
Քարբալայում Իրանի հյուպատոսության դեմ իրականացված հարձակումից հետո, Իրանի արտաքին գործերի նախարար Մոհամմադ Ջավադ Զարիֆն Իրաքի ԱԳՆ Ֆուադ Հուսեյնի հետ հեռախոսազրույցում Թեհրանի բողոքն է հայտնել նման գործողությունների դեմ, որոնք հակասում են դիվանագիտական հարաբերությունների նորմերին ու սկզբունքներին և խախտում 1963 թվականին ստորագրված Վիեննայի կոնվենցիան:
Նշելով, որ Իրաքի կառավարությունը պատասխանատվություն է կրում այդ երկրում տեղակայված դիվանագիտական կառույցների անվտանգությունն ապահովելու հարցում, Զարիֆը հույս է հայտնել, որ Իրաքի կառավարության և անվտանգության ուժերի զգոնության շնորհիվ, նման դեպքերը չեն կրկնվի:
Իրաքի արտաքին գործերի նախարար Ֆուադ Հուսեյնը, ցավ հայտնելով նման միջադեպերի կապակցությամբ, ընդգծել է կառավարության հավատարմությունը՝ Իրաքում տեղակայված դիվանագետների և դիվանագիտական կառույցների անվտանգության ապահովման հարցին, հավելելով, որ հրահանգ է տրվել խստացնել այդ ուղղությամբ անվտանգության միջոցառումները:
